Exodus 4
Moses ading Limte
1Moses in, “Amaute in kei hong um kei in, ka thu hong ngai kei uh henla, ‘Nang kiangah TOPA hong kilang lo hi, ‘hong ci le uh bang ka cih ding hiam?,” ci-in a dawng hi. a 2 Tua ciangin TOPA in ama kiangah, “Tua na khut sunga bang hiam?” a ci hi. Amah in, “Ciangkhut,” a ci hi. b 3 TOPA in, “Lei lakah lawn in.” a ci hi. Moses in lei lakah a lot leh gul suaka, amah a kiang panin a tai hi. 4Tua ciangin TOPA in a kiangah, “Na khutin zam inla a mei pan la in,” a ci hi. Tua ciangin Moses in zama gul a mei-in a man hi; tuateh a khut sungah ciangkhut a suak hi. 5TOPA in, “Hih pen, amaute in TOPA, amau pate’ Pasian, Abraham’ Pasian, Isaac’ Pasian le Jacob’ Pasian - nang tunga hong kilak zo ahi lam a up nading uh ahi hi,” a ci hi. c 6 Tua ciangin TOPA in, “Na khut na puan-akpi sungah koih in,” a ci hi. Tua ciangin Moses in a puan-akpi sungah a khut koiha, a lakkhiat ciangin phakin ▼▼4.6 Hebrew kamin vun natna tuamtuam ah kizanga phak kia in kizang lo hi.
vuk tawh a kibang hi. e 7 Amah in, “Tu-in na puan-akpi sungah koih kik in,” a ci hi. Tua ahi ciangin Moses in a khut a puan-akpi sungah koih kikin a lakkhiat leh dam a, a ci dangte mah a bang hi. 8 Tua ciangin TOPA in, Amaute in nang hong um lo-a, a masa lim a thusim kei uh leh lim a nihna um thei ding uh hi. 9Ahi hangin amaute in hih lim nihte um lo-a, na thu hong ngaih kei uh leh Nile panin tui tawm suakkhia inla leikeu tungah sung in. Gun pana na suahkhiat tui pen lei tungah sisan a suak ding hi,” a ci hi. f 10 Moses in TOPA kiangah, “Topa aw, a beisa hun ahi a, na nasempa nong hopih a kipan ahi zongin dangnal mi ka hi ngei kei hi. Kei pen pau ol lei-awk mi ka hi hi,” a ci hi. 11 TOPA in ama kiangah, “Mihing kam a pia kua ahi hiam? Kua in amah bengngong sakin pau thei lo sak ahi hiam? Khua musaka, mit a tawsak kua ahi hiam? Tua pen keimah TOPA hi lo ka hi hiam? 12Tu-in pai in; na thugenna-ah kong huh dinga, na gen ding kong hilh ding hi,” a ci hi. g 13 Ahi hangin Moses in, “Topa aw, tuate a hih ding midang khat sawl zaw in,” a ci hi. 14 Tua ciangin Moses tungah TOPA heh a, “Na sanggampa Levi mi Aaron bang a ci hiam? Thugen siam hi cih ka thei hi. Nang hong dawn dingin hong kuankhia zo-a, nang hong muh ciangin a lungnuam ding hi. 15Amah na hopih dinga, thute na muam ding hi; na thu genna-uah na nih un kong huh dinga na hih ding uh kong hilh ding hi. 16Amah in mipite tungah nang tangin thu gen dinga, amah nang tanga kamzang hi-in nang, ama tungah Pasian bang na hi ding hi. 17Ahi zongin nalamdang na bawl theih nadingin hih ciangkhut tawi in,” a ci hi. h Egypt ah Moses Ciah
18 Tua ciangin a sungpa Jethro kiangah Moses pai-a, “Egypt a ka mipihte, amaute a nungta-in a om lai uh hiam, a en dingin hong ciahsak in,” a ci hi. Jethro in, “Pai inla cidam ta un,” a ci hi. 19 Midian a, a om lai-un TOPA in Moses tungah, “Egypt ah ciah kik in, ahang in, nang hong that nuamte khempeuh si khin uh hi,” a ci hi. 20Tua ciangin Moses in a zi le a tapate laa khat tungah tuangsaka, Egypt ah ciah dingin a dingkhia uh hi. Amah in Pasian ciangkhut a khutin a tawi hi. i 21 TOPA in Moses tungah, “Egypt ah na ciah ciangin sep theihna vang kong piaksa a lamdangte khempeuh Pharaoh mai-ah na hih ding thei gige in. Ahi hangin mite a paisak nop loh nadingin a lungtang ka khauhsak ding hi. 22Tua ciangin Pharaoh kiangah, ‘Hih in TOPA gen ahi hi: Israel ka tapa upa pen hi a, 23nang tungah, “Kei hong biak theih nadingin ka tapa paisak in,” hong ci hi. Ahi hangin amah na paisak nop kei leh na tapa upa pen ka that ding hi, ci hi,’ ci in,” a ci hi. j 24 Lamkal-a a giahna mun khatah TOPA in Moses ▼▼4.24 Ahikeh Moses’ tapa; Hebrew in Amah
na dawntuah a that dingin a kithawi hi. 25Ahi hangin Zipporah in meisuang hiam khat la a, a tapa vun atsakin tua pen Moses khepek a nuhsak ▼▼4.25 Ahikeh Moses khepek kiang va nai a
hi. Tuanu in, “Kei tungah nang, sisan-a mopa na hi takpi hi,” a ci hi. 26Tua ciangin TOPA in amah bangmah a cih kei hi. (Tua hun laitakin tuanu in, “Sisan-a mo neipa, a cih vun-atna a genna ahi hi.) 27 TOPA in Aaron kiangah, “Moses dawn dingin sehnel gam sungah pai in,” a ci hi. Tua ciangin amah Pasian mualah Moses tawh kituaka, a nam hi. 28Tua ciangin Moses in Aaron kiangah a gen dinga TOPA in a sawl khempeuh gena, lim lamdang bawl dinga a hilh khempeuh zong a gen hi. 29 Moses le Aaron in Israel upate khempeuh kaikhawm uh a, 30TOPA in Moses tunga a gen khempeuh Aaron in amaute tungah a gen hi. Amah in mite mai-ah limte zong lak a, 31amaute in a um uh hi. TOPA in amaute a lunghimawhna le a gentheihna uh a muhna thu a zak uh ciangin kunin a bia uh hi.
Copyright information for
ZomZIV